| 想請大家幫個忙 @@ 最近個fd借左部psp比我 我玩太鼓 裡面有首歌 叫櫻 我係foxy搵到呢隻歌 不過我搵極都搵唔到歌詞 唔知大家可唔可以幫下我搵下歌詞? or 有冇朋友可以幫我打歌詞出黎呢? 唔該晒 下面就係果首歌啦 ^^ thanks http://www.fileden.com/files/2007/4/29/1029208/sakura.mp3 |
| |
| 成日都冇野做 今日覺得好空虛 日日都比蚊咬 冇一日係冇架 真係每日都有最少一粒 晚晚都痕醒 訓又訓得唔好 蚊咬仲會留黑色既印...好毒 超唔開心 nds既七日死係出左啦 今日訓醒都見到有補丁 雖然我未試work唔work 諗住今晚先試玩會好feel好多 雖然係有呢一隻game玩 但佢唔係升lv既game 過一關都唔洗花你半個鍾時間 除非你爆死 所以一晚都只會玩一關 都係悶~ 要等到9月11/12先出pokemon 唔知會唔會偷跑呢? 不過就算偷都一樣要等破解架啦 T.T 聽住呢首畫皮既背景音樂 令我諗起一樣好怪既事 點解有好多套戲 都會講d妖愛上左人之後 先知咩叫愛情? 難道妖就唔會識得愛? 妖冇感情既咩? 我唔覺得係咁 唉 諗得太多啦 去搵d野做先 |
| |
| 好耐都冇睇過一套咁好既電影啦 雖然呢套野一d都唔新 畫皮 曾經仲比我以為係三級片添 >~< 原來係一套好有感覺既悲情愛情片 真係睇到喊 我會覺得好值得睇 之前係now電視睇左一半 未睇完就去左食飯 所以冇睇下一半 岩岩好悶 所以開pps睇埋尾果一半 真係超好睇 當愛情片睇 真係會好感動 因為睇完套戲 聽到隻背景音樂好好聽 所以upload左落自己xg 順便打個日記仔 ^^ 依家準備換衫扎頭出門口~~ 今日有bbq !!! |
| |
| 嗨嗨 好耐冇見啦 咁多位 (如果仲有人睇既話 @@) 哈~ 最近打光明戰記holic 正呀 我覺得唔錯 琴日又會同媽出去旺角買衫衫 最近心情麻麻地 不過呢 都算死唔去 好耐冇上網啦 都好耐冇上msn啦 最近忙打online game同nds 都已經夠晒 哈~ 乜都唔記得囉~ 星期四又會同爹d食飯 父親節快樂,我的爸爸 ^^ |
| |
| 唉呀 好累 2月尾就係到玩搬屋 琴日先岩岩整返上網 整左個屋企電話 (頂呀 - - 根本唔知收唔到手提,連sms都收唔到) 我諗我會盡量on多d msn架啦 ^^ 搬間新屋 都係細屋搬大屋啦 以前一房一廳洗手間廚房 依家兩房一廳一露台洗手間廚房 地方唔錯架 睇落都幾"骨只" 似返個屋企咁囉 有返部電視 裝返個now電視台 我隻貓 --- 軍曹豬 佢就通屋走囉 不過因為諗住屋大 夜晚訓覺我會關房門 所以冇比佢入黎同我訓 依家嗲左好多,哈 睇睇相先啦 雖然其實仲有好多野都未整好 起碼 我未放返好我d書 未貼返好我d劉德華相 未放晒我d模型 哈 總之就係有排搞 不過之後整好 我都會再影多一次 
先黎呢張就係 左手邊既大門口 右下角既"食飯台" 中間發青光既"軍曹" 電視櫃啦 仲有大門口右手邊有個雪櫃仔同鞋櫃 鞋櫃暫時用左一塊木板格住 因為軍曹會走入去訓覺 - - 唉 遲d我拎返晒d鞋 佢就冇位訓,呵 
呢個櫃就放晒我既珍藏 電單車啦 劉德華簽名熊 仲有keroro軍曹 
走廊直入尾 "仲比軍曹發青光既眼望實" 
直入尾就係洗手間 中間係我間房 右邊有micky果間就打算用黎做書房 會放書櫃仲有一個衣櫃 不過呢d野都未搬 所以唔會影裡面比大家睇住 
我間房既大衣櫃 裡面仲有鏡添呀 @@ 唔洗買囉 
我張亂七八糟既床 @@ 對,我係唔執床既女仔 電腦台啦 當然唔少得我最愛既華仔大poster 最中意呢張架啦 洗手間就無謂影入去啦 ^^" 廚房同露台 都係頭先大門口果張相既"後面" 姐係我企影相果個位既後面啦 都無謂影啦 不如睇下軍曹 個衰仔 我一邊影相 佢一邊喵我跟住我 所以影埋佢 
閃光燈好剌眼 @@ 
"好似有d頭暈" 
"都係趴抵算啦" 
撞左埋黎 @@ 
終於都累啦佢 @@ 然後無視我走開左 哈~ 不過最近真係忙囉 手提又收唔到 一出街d sms就彈晒出黎 在此講多一聲 我手提電話已經唔可以係屋企接收or玩sms 請大家搵我既就email or 等我上msn 再唔係就sms我 等我出街睇電話既時候覆返你地啦 |
| |
